CCXXX.

1352, Juni 26. Frankenstein.

Der Hauptmann von Frankenstein bestätigt den unter No. CCXXVIII. mitgetheilten Schiedsspruch.

In nomine domini amen. Nos Rudgerus de Hugwicz iunior maiestate invictissimi Karoli regis Romanorum et Boemie regis, domini nostri generosi, ad universorum presencia intuencium pervenire cupimus nocionem, quod in nostri testiumque subscriptorum presencia, constituti religiosus vir, dominus Syghardus abbas monasterii Kamenczensis Cisterciensis ordinis Wratislaviensis dyocesis ex una, Ditko et Ludowicus fratres dicti Probisthayn parte ex altera, cum suis arbitris partis utriusque scilicet domino Conrado de Rybnicz, Nicolao de Ranckow et consulibus Frankinstey­nensibus, Nicolao Berwici, Petro Nigro, Nicolao Magistri, Johanne Monacho ad hoc per ipsos electis specialiter et rogatis publice fatebantur, omnem et totam discensionis materiam inter ipsos exortam et emersam e quacunque causa, casu vel condicione fuisse dinoscitur, prout in littera super diffinitione et discussionis ordinacione dictorum arbitrorum nobis oblata et ostensa evidentius continetur, for e penitus et omnimode amicabiliter et concorditer arbitrorum iudicio et discussione conplanatam et sopitam, ita tamen, quod dicti fratres suique heredes successores et posteri nati vel nascituri dictum dominum abbatem suumque monasterium Kamencz tempore per­petuo non debeant pro huiusmodi causis, articulis et condicionibus sic sopitis quovis quesito colore vel ingenio impetore quoquomodo, supplicantes nobis diligenter, quatenus huiusmodi conplanationem discensionisque habite rationabilem diffinicionem ratificare et approbare dignaremur. Nos vero ad ipsorum pia flagitamina studiose inclinati dictam conplanationem amicabilem et concordem per arbitros partis utriusque electos benefactam, gratam ac ratam habentes, auctoritate regia, qua presentialiter fungimur, in vigorem perpetuum presentis carte patrocinio solidamus duraturam; presentibus strennuis ac famosis viris dominis: Zuringo et Henrico de Bebir­steyn, Steffano de Rychenbach, Conrado de Rybnicz et Nicolao de Ranckow, prescriptis arbitris; Arnoldo de Petirswalde, Johanneque nostro notario testibus ad premissa. Harum testimonio litterarum sigillo regio capitaneatus Frankinsteynensis ad hereditates et causas munitarum. Datum Frankinsteyn feria tercia infra octavas sancti Johannis baptiste anno domini millesimo CCC° quinquagesimo secundo.

Or. Perg. An Pergamentstreifen das wohlerhaltene S. der Frankensteiner Hauptmannschaft, wie bei voriger No.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.